“SÓ UN INTRE”

II
“SÓ UN INTRE”

Esperanzas de ledicias nas túas palabras,
Nos beizos que bican 
coa paixón das laradas de San Xoán,
De soños que nos soñan se non se fan realidade,
Namorando no mundo co teu camiñar,
Sorrisos pecaminosos na luxuria do teu ollar,
Envolvéndome nas arañeiras que deixas en versos
como grans de area que leva a mar,
Circunscríbome o desexo latente que emanas
perseguíndote mais aló da realidade,
percorrendo o mundo dos soños arremedándote,
Sentindo cada un dos latexos do teu corazón,
Suspirando en cada roce da túa pel,
Mentres as miñas bagoas da tristura se secan en ti,
Eres dona de cada pensamento,
De cada bocado de alento,
De cada gota de sangre que corre por min,
E aínda así, para min non e dabondo,
Pois eu cho daría todo porque só un intre
ti sentises o mesmo por min.

©® César Gorín
De "MERCANDO INTRES"